«Հա՛մ ամուսին եմ կորցրել, հա՛մ՝ որդի, Արցախից եմ՝ բոմժի կարգավիճակով»․ արցախցի կինը՝ Նիկոլ Փաշինյանին

«Հա՛մ ամուսին եմ կորցրել, համ՝ որդի, ես Արցախից եկած եմ՝ բոմժի կարգավիճակով»,- Նախընտրական քարոզարշավի ժամանակ Շենգավիթ վարչական շրջանում դիմելով վարչապետ Նիկոլ Փաշինյանին՝ իր սոցիալական վիճակը ներկայացրեց արցախցի կինը։

Նա նաև հավելեց, որ երրորդ կարգի հաշմանդամ է, աշխատում է, բայց չի կարող բնակարանի հարց լուծել, Երևանում բնակվում է վարձով։
Փաշինյանն առաջարկեց դիմել Աշխատանքի և սոցիալական հարցերի նախարարություն․ «Այնտեղ աշխատանքային խումբ կա, որ անհատական հարցերով է զբաղում, թող լսեն, իրավիճակը ուսումնասիրեն, տեսնեն մեր ծրագրերից որևէ մեկով հարցը լուծվում է, թե չի լուծվում»։