«13 օր հացադուլ անող Արթուր Օսիպյանը շատ հյուծված վիճակում է». Դավիթ Հովհաննիսյան

«Նուբարաշեն» ՔԿՀ–ում գտնվող և 13 օր հացադուլ անող Արթուր Օսիպյանը շատ հյուծված վիճակում է, «ԱրմենիաՍպուտնիկ»–ին հայտնել է նրա փաստաբան Դավիթ Հովհաննիսյանը։

«Բազմաթիվ անձինք, այդ թվում հարազատներ, մտերիմներ, հասարակական ակտիվ շրջանակներ դիմել են Օսիպյանին՝ խնդրելով դադարեցնել հացադուլը,սակայն նա վճռական է տրամադրված։ Օսիպյանը հացադուլից դուրս չի գա այնքան ժամանակ, մինչև ՀՀ վարչապետ Նիկոլ Փաշինյանն իրեն «փախած» անվանելու և իր արժանապատվությունը վիրավորելու համար ներողություն չխնդրի»,– ասել է Հովհաննիսյանը։

Փաստաբանի խոսքով՝ այս պահին գործը գտնվում է վերաքննիչ դատարանում, բողոքարկել են կալանքի որոշումը և հատուկ վերանայման բողոք են ներկայացրել։