Ուրբաթ, 20 նոյեմբերի, 2026 թ.
|
Ստեփանակերտում`   +11 °C

Վրաստանում նոյեմբերի 22-ը սգո օր է հայտարարվել

Վրաստանում նոյեմբերի 22-ը սգո օր է հայտարարվել
59
Այսօր, 16:31

Վրաստանում նոյեմբերի 22-ը հայտարարվել է սգո օր՝ Թբիլիսիի արվարձանում գտնվող բնակելի շենքում գազի պայթյունի հետևանքով զոհվածների հիշատակին։ Որոշումն ընդունել է երկրի կառավարությունը, հայտնում է «1TV» հեռուստաալիքը։ Կառավարության որոշման համաձայն՝ սգո օրվա կապակցությամբ ամբողջ երկրում պետական դրոշները կիջեցվեն։

Պայթյունը տեղի է ունեցել նախօրեին՝ Թբիլիսիի ծայրամասում գտնվող Քվեմո-Փոնիչալա ավանում, հինգհարկանի բնակելի շենքում։ Զոհվել է վեց մարդ, այդ թվում՝ երկու երեխա։ Եվս չորս մարդու փրկարարները դուրս են բերել փլատակներից և տեղափոխել հիվանդանոցներ։

Պայթյունի նախնական պատճառը, ըստ իշխանությունների, հինգերորդ հարկի բնակարաններից մեկում գազի ջեռուցիչի անսարքությունն է եղել։ Թբիլիսիի քաղաքապետ Կախա Կալաձեն հայտնել էր բնական գազի հնարավոր արտահոսքի մասին։