Նստացույց՝ Արթուր Օսիպյանին ազատ արձակելու պահանջով

Հասարակական մի շարք գործիչներ ու քաղաքացիներ ակցիա և անժամկետ նստացույց են անցկացնում նախագահական նստավայրի մոտ՝ պահանջելով ազատ արձակել վարչապետի հետ միջադեպից հետո ձերբակալված և արդեն 14 օր հացադուլում գտնվող արցախցի քաղաքական գործիչ Արթուր Օսիպյանին։ «Մեզ հետաքրքիր է, թե ինչպես է այս հարցին արձագանքելու երկրի նախագահը»,- լրագրողների հետ զրույցում նշել է ակցիայի կազմակերպիչ Գեղամ Օհանյանը։