«Դաստիարակելու եմ Սերժ Սարգսյանի աշխատակազմի ղեկավարի փոքրիկին». Ռուբեն Ռուբինյան

ԱԺ փոխնախագահ Ռուբեն Ռուբինյանը ֆեյսբուքյան իր էջում տեսանյութ է հրապարկել՝ «Դաստիարակելու եմ Սերժ Սարգսյանի աշխատակազմի ղեկավարի փոքրիկին՝ նույն ինքը Կալուգացու զարմիկին» գրառմամբ։ Անդրադառնալով «Ուժեղ Հայաստան» դաշինքի անդամ Նարեկ Կարապետյանի հրապարակմանը, մասնավորապես ասում է․ «Ես ի տարբերություն կալուգացու՝ ունեմ և միշտ ունեցել եմ միայն Հայաստանի Հանրապետության քաղաքացիություն, ասեմ ավելին՝ ի տարբերություն նույն կալուգացու զարմիկի էլ ունեմ և ունեցել եմ միայն ՀՀ քաղաքացիություն, և հետևաբար ի տարբերություն իրենց՝ ես կարող եմ լինել միայն ՀՀ ներկայացուցիչն ի բնե, որովհետև ես ունեմ և միշտ ունեցել եմ մեկ հայրենիք։ Երբ որ ժամանակը եկել է, ես ի տարբերություն կալուգացու զարմիկի և իր 3 եղբայրների՝ ծառայել եմ ՀՀ զինված ուժերում, չեմ փախել, չեմ ազատվել, փող չեմ տվել։
Ես հասկանում եմ, որ Սերժ Սարգսյանի աշխատակազմի ղեկավարը երևի ժամանակ չի ունեցել դաստիարակելու իր որդուն և սովորեցնելու, որ մարդկանց չի կարելի հանիրավի մեղադրել և զրպարտել, բայց ես այդ բացը կվերացնեմ»։