Զելենսկին մեղադրել է Արևմուտքին հրթիռներ մատակարարելու խոստումները չկատարելու համար

Վոլոդիմիր Զելենսկին մեղադրել է արևմտյան գործընկերներին Ուկրաինային հրթիռներ մատակարարելու խոստումները չկատարելու մեջ։
Նախկինում «Նյու Յորք Թայմս»-ը գրել էր, որ Ուկրաինան իր «Պատրիոտ» ՀՕՊ համակարգերի համար խափանող հրթիռների լուրջ պակաս ունի։ Զելենսկին հունիսի սկզբին խոստովանել է, որ Ուկրաինայի ՀՕՊ համակարգերը չեն կարողանում հաղթահարել բալիստիկ հրթիռները։ «Եթե մեր գործընկերները ժամանակին կատարեն իրենց խոստումները... մենք չենք քննարկի կամ չենք տարածի մատակարարումների մանրամասները։ Կարծում եմ, որ սա մեր գործընկերների հետ կապված լուրջ խնդիր է»,- Զելենսկիի խոսքերն է մեջբերում ուկրաինական լրատվականը: