«Որոշ ժամանակ հետո կպարզվի՝ ինչ հանգամանքներ են ազդել նմանատիպ որոշում կայացնելու վրա»․ Արամ Օրբելյան

«Սահմանադրական դատարանն ուներ պատմական հնարավորություն առաջին անգամ անվավեր ճանաչելու ընտրությունների արդյունքները․ մենք ունեինք ունիկալ իրավիճակ, երբ մանդատներ ստանալ-չստանալը կախված էր բացառապես ԿԸՀ որոշումից, այսինքն՝ եթե այդ որոշումը չեղյալ համարվեր, մանդատներ կստանային, եթե չեղյալ չհայտարարվեր՝ չէին ստանա»,- այս մասին լրագրողների հետ զրույցում նշեց փաստաբան Արամ Օրբելյանը՝ անդրադառնալով ընտրությունների արդյունքներն անվավեր ճանաչելու վերաբերյալ քաղաքական ուժերի դիմումների վերաբերյալ ՍԴ որոշմանը։

«Պետք է դատարանը պաշտպաներ ընտրողների ձայնը, ցավոք, չունեցանք այն, ինչը կարող էինք ունենալ․ ՍԴ-ն կարող էր հաստատել խախտումները, որոնք հստակ ցույց էին տրվել դատական գործի շրջանակներում և դրանով բարձրացնել վստահությունը դատական համակարգի նկատմամբ։ Ժամանակը կանցնի, որոշ ժամանակ հետո կպարզվի՝ ինչ հանգամանքներ են ազդել նմանատիպ որոշում կայացնելու վրա»,- հավելեց փաստաբանը։