«Ժողովո՛ւրդ, ուշքի եկեք, քանի դեռ այս երկիրը ձերն է»․ Նազիկ Ամիրյան

Այսօր գեներալ Մանվել Գրիգորյանի ծննդյան օրն է, նա կդառնար 70 տարեկան։ «Ցավոք, շնորհավորում ենք նրա երկնային ծնունդը, բայց այսքան տղաները որ հավաքվել են, նրա զինակից ընկերներն են, նրա հրամանատարության ներքո ծառայություն անցկացրած տղերքը․ սա է, որ ցույց է տալիս, որ մեր մարտական ոգին չեն կարողացել կոտրել։ Գեներալի ոգին հիմա փառավորվում է»,- լրագրողների հետ զրույցում ասել է Գրիգորյանի կինը՝ Նազիկ Ամիրյանը։ Դիմելով ժողովրդին՝ նշել է․ «Ուշքի արեք, քանի դեռ էս երկիրը ձերն է․․․ Այս ազգն էնպիսին է, որ չի կարա կզած վիճակում երկար քայլի։ Մեր ազգը հպարտ ազգ է, ճակատը բարձր, մենք չենք կարա կզած ման գանք»։