«Քաղաք կառավարելը նշանակում է տարբերել առողջ ծառը վտանգավոր ծառից». Հայկ Կիրակոսյան

Հայաստանի շնորհապետական կուսակցության անդամ Հայկ Կիրակոսյանը գրել է. «2 օր առաջ Երևանում մարդ է մահացել՝ ծառի տապալման հետևանքով։
Տարիներ շարունակ քաղաքացիները տեսնում են մի աբսուրդ պատկեր․ առողջ ու կենսունակ ծառերի հատումների շուրջ՝ սկանդալներ ու բողոքներ, իսկ ակնհայտ չորացած ու վտանգավոր ծառերը շարունակում են մնալ մարդկանց գլխավերևում։
Եվ հիմա մարդ է մահացել։
Եթե ծառը վաղուց չորացած ու վտանգավոր էր՝ ո՞վ պետք է դա հայտնաբերեր։
Ե՞րբ է այն վերջին անգամ մասնագիտական զննություն անցել։
Եղե՞լ են ահազանգեր։
Ո՞վ է պատասխանատու եղել։
Եվ ո՞վ է պատասխան տալու։
Եթե իշխանությունը փորձի արդարանալ, թե ինչ-որ մարդիկ «դեմ են եղել» ծառը կտրելուն, դա ավելի խայտառակ պատասխան է։ Եթե վաղը մարդիկ դեմ լինեն վթարային շենքը էվակուացնելուն կամ սանիտարական նորմերը պահպանելուն՝ քաղաքապետարանը կրկի՞ն անզոր ուսերն է թափահարելու։
Քաղաք կառավարելը նշանակում է տարբերել առողջ ծառը՝ վտանգավոր ծառից, ոչ թե առողջները հատել, վտանգավորները թողնել, հետո մահացած մարդու հետևից ցավակցություն հայտնել։
Այս ողբերգությունը մեկ ծառի պատմություն չէ։
Փտած ծառը պարզապես ընկավ։ Բայց դրա հետևում ետևում է շատ ավելին՝
քաղաքային կառավարման փտած համակարգը։
Հիմա պահանջը պարզ է՝ հրապարակել ծառի զննությունների, ահազանգերի և որոշումների ամբողջ պատմությունը և անուն առ անուն պարզել՝ ով էր պարտավոր կանխել այս վտանգը։
Երբ փտած ծառը ժամանակին չեն հեռացնում, այն ընկնում է՝ մարդ սպանում։
Երբ ժամանակին չենք փոխում փտած համակարգը՝ վնասը լինում է քաղաքի, ամբողջ երկրի մասշտաբներով»:

176 մլն դրամ՝ նոր անձնագրի շնորհանդեսին․ «Հրապարակ»
6609:30
Սպասվում է առանց տեղումների եղանակ (լուսանկար)
7507:24
«25 տարի բռնաբարես քո իսկ վաստակը այնպես, որ վերջում քեզ համոզեն, որ այդ ամենը խաբկա՞նք էր». Գեղամ Օհանյան
14100:48
«Եկեղեցին ոչ միայն իրավունք ունի, այլև ՊԱՐՏԱՎՈՐ Է բարձրացնել իր ձայնը». Մհեր Հակոբյան
134Երեկ, 23:54
«Սուրեն Պապիկյա՛ն, փորձենք խոսել ոչ թե գնահատականներով, այլ փաստերով ու թվերով». Մարիաննա Ղահրամանյան (տեսանյութ)
138Երեկ, 23:18
«Ինչու է Մերցը խոսում Գերմանիայի մասնատում թույլ չտալու մասին». Հակոբ Բադալյան
125Երեկ, 22:48
«Բագրատ Սրբազանի դեմ իշխանության ապօրինի գործողությունները բազմաշերտ են». Տիգրան Աբրահամյան
103Երեկ, 22:36
«Որպեսզի եվրոինտեգրվենք, պետք է աշխարհագրություն փոխենք». Արմեն Գրիգորյան (տեսանյութ)
117Երեկ, 22:06