Արարատում կկառուցվեն բնակելի համալիրներ և գրադարան

ՏԿԵ նախարար Դավիթ Խուդաթյանն այսօր Կառավարության նիստում ներկայացրեց Արարատ քաղաքում կառուցապատման ներդրումային ծրագրին հավանություն տալու, ծրագրի իրականացման նպատակով 2 գույք նվիրաբերելուն համաձայնություն տալու մասին որոշման նախագիծը:

«Գույքն առաջարկվում է նվիրաբերել «ՄԼ ՄԱՅՆԻՆԳ» ընկերությանը: Ընկերությունը պարտավորվում է այնտեղ բնակարաններ կառուցել մինչև 2030 թվականը, և 2 բազմաբնակարան շենքերից 48 բնակարան՝ յուրաքանչյուրը մոտ 68 քառակուսի մետր մակերեսով, տրամադրել համայնքին, որպեսզի համայնքը կարողանա բնակարանները տրամադրել այն բնակիչներին, որոնք ժամանակին այդ շենքերում օրդեր են ունեցել:

Բացի դրանից՝ նաև շուրջ 686 քառակուսի մակերեսով հասարակական տարածք է տրամադրվելու էլի համայնքին՝ համայնքային գրադարան կառուցելու համար»,- նշեց Խուդաթյանը:

Նա նաև հավելեց, որ շուրջ 686 քառակուսի մակերեսով հասարակական տարածք է տրամադրվելու համայնքին՝ համայնքային գրադարան կառուցելու համար։