«Այս մարդիկ հաղթանակից հետո հետ քաշվեցին, թույլ տվեցին, որ ժողովուրդը խժռի իրենց արածը». Արթուր Դանիելյան

«Ադեկվատ» միաբանության հիմնադիր Արթուր Դանիելյանը ֆեյսբուքյան իր էջում գրել է․ «Գեներալ Նորատ Տեր-Գրիգորյանը 90 տարեկան մարդ է՝ դրանից բխող բազմաթիվ հետևանքներով և որոշումներով: Անկախ ամեն ինչից՝ ինքը, Քրիստափոր Իվանյանը, Արկադի Տեր-Թադևոսյանը, Յուրի Խաչատուրովը և ևս մի քանի խորհրդային բանակի սպաներ եկել են Հայաստան 1992 թվականին, երբ հայ ժողովուրդը բարեհաջող ձախողել էր բոլոր մարտերը բոլոր ճակատներում: Նրանք սիկտիր էին արել ֆիդայական ջոկատները, դրել բանակի հիմքերն ու մեզ 30 տարի գլուխներս բարձր ապրելու հնարավորություն տվել: Նրանց նվաճումներով հետո գլուխ էին գովում հենց էն ֆիդայական հրամանատարները, որոնք ինքնուրույն ոչինչ չէին կարում անեին: Իսկ էս մարդիկ հաղթանակից հետո հետ քաշվեցին, թույլ տվեցին, որ հայ ժողովուրդը մսխի, խժռի ու լափի իրենց արածը, իրենց էլ ուրանա:
Էս ա փաստը, հարցեր կա՞ն...»։