«Ամեն ընդդիմադիր չէ, որ հայրենասեր է»․ Նաիրի Հոխիկյան

Լրագրող Նաիրի Հոխիկյանը ֆեյսբուքյան էջում գրել է․ «Մեր իրականության մեջ հիմնականում մարդկանց սկզբունքները, բարոյականությունը և հայրենասիրությունն արժեք ունեն այնքան ժամանակ, քանի դեռ դրանք ձեռնտու են իրենց անձնական շահերին։
Եթե հաջորդիվ անձնական շահի համար ձեռնտու լինեն այլ արժեքներ, ապա նույն մարդիկ հանգիստ ու անամոթաբար հայրենասիրությունը կփոխեն թրքասիրությամբ, սկզբունքները՝ ուրացմամբ, բարոյականությունը՝ պիղծ արարքներով։
Ու եթե ձեզ թվում է, թե Նիկոլին հայհոյող ամեն մարդ գիտի հայրենիքի արժեքը, ապա չարաչար սխալվում եք։ Ավելին՝ ամեն ընդդիմադիր չէ, որ հայրենասեր է։
Նիկոլի դեմ լինելը հիմա միավորում է շատ մարդկանց, բայց ոչ բոլորի սրտում է հայրենիքի գաղափարը ու ոչ բոլորն են ցավում Արցախի համար։
Ուղղակի ոմանք ազնվորեն պայքարում են հայրենիքի համար ու ստանում «միամիտ հայրենասեր»-ի պիտակ, իսկ ոմանք էլ ձգտում են փոխարինել Նիկոլին, ուրիշ ոչինչ»։