Փեզեշքիանը շնորհակալություն է հայտնել Պուտինին

Իրանի նախագահ Մասուդ Փեզեշկիանը շնորհակալություն Է հայտնել Ռուսաստանի նախագահ Վլադիմիր Պուտինին Մերձավոր Արևելքի հակամարտության հարցում Ռուսաստանի դիրքորոշման համար։

«Ես կցանկանայի շնորհակալություն հայտնել ձեզ տարածաշրջանում, ինչպես նաև ՄԱԿ-ի մակարդակով ձեր դիրքորոշման համար։ Ձեր օգնության շնորհիվ նրանք չկարողացան մեզ վրա պարտադրել միակողմանի մոտեցում։ Դրա համար մենք միշտ շնորհակալ ենք ձեզ, ձեր դիրքորոշման, ձեր երկրի դիրքորոշման համար», - ասել է Փեզեշքիանը Թուրքմենստանում Պուտինի հետ հանդիպման ժամանակ։ «Մենք պետք է շարժվենք դեպի բազմակողմանիություն և թույլ չտանք, որ միակողմանիությունը տարածվի ամբողջ աշխարհում։ Միացյալ Նահանգները փորձում է իր տեսակետը թելադրել աշխարհի բոլոր երկրներին։ Ներկայում նույն այդ քաղաքական գործիչները իրենց ներքին քաղաքական կուրսը պարտադրում են ուրիշներին, թելադրում իրենց դիրքորոշումը այլ երկրներին», - ասել է նա:
Իրանի նախագահը նաև անդրադարձել է Միացյալ Նահանգների հետ բանակցությունների թեմային՝ հիշատակելով ԱՄՆ-ի հարձակումները բանակցությունների ընթացքում։ «Բայց մենք երբեք չենք լքել բանակցությունների սեղանը», - նշեց Փեզեշքիանը։