«Պետք է անդրադառնալ հարցին, թե ինչու ենք հանդիսավոր միջավայրում կարողանում միջոցառումը կազմակերպել՝ առանց բողոքի ակցիաների»․ Նիկոլ Փաշինյան

Վարչապետ Նիկոլ Փաշինյանը Ամուլսարի հանքավայրի շահագործման մեկնարկի արարողությանը հանդես է եկել ելույթով՝ նշելով հետևյալը․ «Նախ պետք է անդրադառնալ այն հարցին, թե ինչու ենք մենք այսօր այսպիսի, ըստ էության, հանդիսավոր միջավայրում կարողանում այս միջոցառումը կազմակերպել՝ մոտակայքում առանց բողոքի ակցիաների։ Բոլորդ գիտեք, որ Ամուլսարի նախագիծը տարբեր դրսևորումներով է արտահայտվել ու կարծում եմ՝ պետք է վերլուծենք նաև անցած ճանապարհը՝ հետագայում ներդրումային ծրագերերի հետ կապված գործելակարգեր որդեգրելու համար։ Մեր քաղաքականությունը եղել է հետևյալը՝ նախ պատասխան ձևակերպել հանրությանը հուզող հարցերին, և ամեն ինչ անել, որ ՀՀ քաղաքացիները հնարավորիս տեսանելի ու շոշափելի կերպով նախագիծը համարեն նաև իրենցը»։