«Արցախցիների հարցով ՔՊ-ն հանդես է եկել առաջարկով, մյուս խմբակցությունների կողմից եղել է դիրքորոշում»․ Անաստաս Իսրայելյան

«Սեպտեմբերի 17-ին ակցիայի ժամանակ նամակով դիմել ենք երեք խմբակցություններին, երեք շաբաթվա ընթացքում այն պայմանավորվածությունների հետ կապված, որոնք մենք ձեռք ենք բերել, գործընթացներ գրեթե չեն եղել, ինձ հետ ոչ մեկը չի կապնվել, առաջարկ չեն արել․ բա ի՞նչը ստիպեց ինձ նստացույց անել։ Աննա Գրիգորյանն իր դիրքորոշումն ասաց, «Ուժեղ Հայաստան»-ի կողմից էլ մինչ օրս դիրքորոշում չի եղել, ներկայացուցչի հետ հանդիպում եղել ա, մենք ասել ենք օրակարգը էս ա, պատրաստ ենք լսելու ձեր դիրքորոշումը, քայլեր չեն եղել»,- լրագրողների հետ զրույցում ասել է արցախցի հասարակական գործիչ Անաստաս Իսրայելյանը՝ խոսելով այսօր ԱԺ-ում արցախցիների և ՔՊ ներկայացուցիչների հանդիպման մասին։ «Պետք է ամեն մեկն իր կողմից առաջարկ ներկայացներ՝ մեր բարձրացրած հարցերի լուծման համար, ՔՊ-ն հանդես է եկել կոնկրետ առաջարկով, հանդիպում է կազմակերպել և առաջարկներ ներկայացրել, մյուսների կողմից եղել ա դիրքորոշում»,- նշել է նա։