«Ավինյանին փուռն ես տալիս, որ ի՞նչ անես, իր խաչը քոնից ծանր է»․ Արեգ Սավգուլյան

Պատմաբան, «ՀայաՔվե»-ի անդամ Արեգ Սավգուլյանի ֆեյսբուքյան գրառումը. «Սուրեն Սամվելիչը ծնվել է 1992 թվականին, 2018-ին դարձել ՔՊ-ը պատգամավոր, 2021-ին Արադատության նախարարի տեղակալ, 2023-ին ՔՊ փոխքաղաքապետ։
Ինքը երջանիկ է, կարծում եմ, իր բախտից, և երեկ եթերում ասում է , որ Երևանի քաղաքապետն ասել է, որ մարզային տրանսպորտը պետք է կանգնի Երևանի մատույցներում, այսօր ասում է թյուրըմբռնում է, ես չեմ ասել։ Է՜, դու չես ասել քաղաքապետն է ասել հիմա ի՞նչ ես ուզում ասես, որ մենք քե՛զ մոռանա՞նք, քաղաքապետի՞ն հիշենք։ Լավ չի Սուրեն, լավ չի Ավինյանին փուռն ես տալիս, որ ի՞նչ անես, իր խաչը քոնից ծանր է, քո խարիսխը ինչո՞ւ ես կախում նրա պարանոցից, մեղք է։ Վաղը ինքնագլորով երբ Բարեկամություն մետրոյից կգլորվես գործի, մտի՛ր սբ. Զորավոր եկեղեցի, մի հատ մոմ վառի՛ր և աղոթի՛ր, որ ձեր ետնագլորները չբացահայտվեն։
Հ.Գ. Սամակատ քշողիս նայեք, երևանցիներին դաս է տալիս ոնց քաղաքում տեղաշարժվեն, շրջանի ժողովրդին էլ «իշմար» է անում, «պրոպուսկ կքաշեք», նոր քաղաք կմտնեք, հետո էլ թե թյուրըմբռնում է, ըմբռնումով մոտեցեք»։