«Երբեք չպետք է վստահել պաշտոնական տեղեկատվությանը». Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «Ոչ մի սուտ այնքան վնասակար ու գարշելի չէ, որքան պաշտոնական սուտը:
Անկախ լրագրողները և լրատվամիջոցները երբեք չպետք է վստահեն պաշտոնական տեղեկատվությանը և անգամ ամենազգայուն թեմաների հարցում փորձեն ներկայացնել այլընտրանքային, բազմակողմ տեղեկատվություն:
Հատկապես 44-օրյա պատերազմի ժամանակ մարդիկ հասկացան՝ ինչ ասել է պաշտոնական սուտ:
Բայց ինչո՞ւ այսօր դա հիշեցի: Ասեմ: Երեկ երեկոյան և քնելուց առաջ երկու փաստագրական ֆիլմ դիտեցի Իրաքի և Աֆղանստանի պատերազմի մասին: Դրանցից մեկը հատկապես պարտադիր դիտելու էր: Այն կոչվում է՝ Truth, War and Consequences: Ջորջ Բուշը, Դիք Չեյնին, Դոնալդ Ռամսֆելդը և պատերազմի մյուս կողմնակիցները պաշտոնական ստի ինդուստրիայով հարձակվեցին Իրաքի, Աֆղանստանի վրա, երբ ակնհայտ էր, որ Սադամ Հուսեյնը չունի զանգվածային բնաջնջման զենք: Ընդհանրապես, Fruntline-ի փաստագրական ֆիլմերը շատ լավն են: Սկսել եմ մեկ առ մեկ դիտել»: