Երկուշաբթի, 19 հոկտեմբերի, 2026 թ.
|
Ստեփանակերտում`   +21 °C

«Այս գիրքն Ադրբեջանի զավթողական օրակարգի ընդամենը մի փոքր մասն է»․ Տաթևիկ Հայրապետյան

«Այս գիրքն Ադրբեջանի զավթողական օրակարգի ընդամենը մի փոքր մասն է»․ Տաթևիկ Հայրապետյան
62
Այսօր, 15:24

Ադրբեջանգետ Տաթևիկ Հայրապետյանի ֆեյսբուքյան գրառումը. «Ադրբեջանի կողմից պետական հովանավորությամբ իրականացվող «Արևմտյան Ադրբեջան» զավթողական ծրագրի քարոզչության շրջանակներում «Իրևան․ պատմական փաստաթղթերի լեզվով» վերնագրով գրքի շնորհանդես է կազմակերպել Նյու Յորքում ու Վաշինգթոնում։ Այդ մասին գրում է Ադրբեջանի պետական «Ազերթաջ» գործակալությունը՝ ի շարս ՀՀ-ի դեմ ուղղված զավթողական ծրագրերի մասին այլ նյութերի։
Հրապարակումից պարզ է դառնում, որ գրքի հեղինակ, «պրոֆեսոր» Ֆարիդա Սաֆիևան ամբիոնի վարիչ է Ադրբեջանի պետական համալսարանում։
Այս գիրքը պետական հովանավորությամբ իրականացվող հրատարակչական գործունեության ակնհայտ օրինակ է, և այն Ադրբեջանի վտանգավոր զավթողական օրակարգի ընդամենը մի փոքր մասն է։
Պետական հովանավորությամբ իրականացվող այս օրակարգը ամբողջությամբ հակասում է օգոստոսի 8-ին Վաշինգթոնում նախաստորագրված պայմանագրի տառին և ոգուն։ Բայց սա Երևանում ՀՀ հարկատուների փողերով վարձատրվող Ալիևի փաստաբանների համար անհարմար է տեսնել»։

Աղբյուրը`   Տաթևիկ Հայրապետյան