Երեքշաբթի, 20 հոկտեմբերի, 2026 թ.
|
Ստեփանակերտում`   +17 °C

«Վենսը հստակեցրել է Վաշինգթոնի դիրքորոշումն Ուկրաինայի հարցում»․ Վահան Բաբայան

«Վենսը հստակեցրել է Վաշինգթոնի դիրքորոշումն Ուկրաինայի հարցում»․ Վահան Բաբայան
62
Այսօր, 16:24

Ռեֆորմիստների կուսակցության նախագահ Վահան Բաբայանի ֆեյսբուքյան գրառումը․ «Վենսը՝ Ուկրաինային․ ՆԱՏՕ-ի դռները փակ են.
ԱՄՆ փոխնախագահ Ջեյ Դի Վենսը հոկտեմբերի 20-ին արած հայտարարությամբ հստակեցրել է Վաշինգթոնի դիրքորոշումն Ուկրաինայի հարցում։
Վենսի խոսքով՝ Ուկրաինան չպետք է անդամակցի ՆԱՏՕ-ին, քանի որ ԱՄՆ-ի և Ուկրաինայի միջև պաշտոնական դաշնակցային համաձայնություն չկա։ Նա ընդգծել է, որ երկու երկրները շարունակելու են համագործակցել, սակայն նրանց շահերը միշտ չէ, որ համընկնում են։
ԱՄՆ փոխնախագահը նաև կոչ է արել Կիևին դադարեցնել Ռուսաստանի էներգետիկ ենթակառուցվածքներին հարվածները՝ նշելով, որ դրանք կարող են բարձրացնել էներգակիրների գները ԱՄՆ-ում։
Ինչպես և կանխատեսում էի մի քանի օր առաջ Վենսի հայտարարությունը ևս մեկ անգամ ցույց է տալիս, որ Վաշինգթոնի և Կիևի միջև տարաձայնությունները պահպանվում են։
Ուկրաինայի համար առանցքային հարց է մնում ոչ միայն ռազմական աջակցության շարունակականությունը, այլև այն, թե ինչ պայմաններով կարող են ձևավորվել ապագա անվտանգության երաշխիքները»։

Աղբյուրը`   Վահան Բաբայան