«Ի՞նչ է քաղաքացիական պատերա՞զմ է սկսվելու․ դուք վարչապե՞տ եք, թե՞ ցուցացար»․ հարց՝ Նիկոլ Փաշինյանին

«Արդեն 8 տարի է՝ իշխանության եք, սակայն կրկին խոսում եք հանրությանը փողոց հանելու և հանրային ճնշում գործադրելու մասին․․․ Ընդդիմադիրները եթե որոշեն փողոցային պայքար սկսել, դուք էլ այս կողմի՞ց եք սկսելու, քանի որ հայտարարում էիք, որ փողոցային պայքարի դուրս կգաք, եթե ընդդիմությունը կողմ չքվեարկի նոր սահմանադրությանը։ Ի՞նչ է՝ քաղաքացիական պատերա՞զմ է սկսելվու։ Դուք վարչապե՞տ եք, թե՞ ցուցարար․․․ Ալիևը ձեզ է ճնշում, դուք՝ այստեղ ընդդիմությանը»,- այսօր ճեպազրույցի ժամանակ, ի թիվս այս հարցերի, նաև այս հարցերն ուղղվեցին վարչապետ Նիկոլ Փաշինյանին։

«Հիմա կոնկրետ օրակարգ կա, և քաղաքական ուժերի ու քաղաքական գործիչների խնդիրն է, ձևավորել և արտահայտել ժողովրդի կամքը, և ինչ-որ առումով, ես այո, ընդիմադիր եմ, որովհետև 8 տարի և հիմա էլ պայքարում եմ տասնամյակներով, երբեմն հարյուրամյակներով կարծրացած երևույթների դեմ։ Եվ պայքարում եմ այն երևույթի դեմ, որ պսեվդո էլիտաները, իրենց նեղ շահերից ելնելով՝ «հայրենասիրական» թեզերով են սնում հանրությանը։ Դա ընդդիմության տիպիկ գործելակերպն է․․․ Հիմա էլ հերթական կեղծ թեզերն են դարձել հիմնական փաստարկը. ով փաստարկ չունի, խոսում է Ալիևից ու Ադրբեջանից»,- արձագանքեց Փաշինյանը։