«3 բան չես կարող ետ բերել. կրակած փամփուշտը, սխալ աղջկան ուղարկած sms-ն ու վարչապետի ասած խոսքը». Արթուր Խաչատրյան

«Խոսք կա, ասում ա՝ 3 բան չես կարող ետ բերել. կրակած փամփուշտը, սխալ աղջկան ուղարկած sms-ն ու վարչապետի ասած խոսքը: Երբ ինքը խոսեց յուղոտ ձկան մասին ու շատերի մոտ ստամոքսի խանգարում եղավ, և ձկնարտադրողները սկսեցին բողոքել, ասաց՝ չէ, ձուկը լավն ա, ուղղակի ոստրեն չի սիրում, այսինքն՝ վնասն արդեն հասցվել էր»,- բյուջետային քննարկման ժամանակ շարունակելով ձկան թեման՝ ասաց ընդդիմադիր պատգամավոր Արթուր Խաչատրյանը:

Հիշեցնենք՝ ավելի վաղ պատգամավորը, դիմելով Էկոնոմիկայի նախարարին, ասել էր. «Դուք ասում եք՝ մեր ապրանքը որակյալ է. Փաշինյանը նենց էր ձուկը նկարագրում՝ յուղոտ, զզվելի, որ ես ձկան կարիքս լատվիական շպրոտներով էի բավարարում: Կողմնորոշվեք, հասկանանք՝ ում ենք լսում, ում՝ հավատում»: Գևորգ Պապոյանն արձագանքել էր. «Վարչապետին պետք չէ վերագրել մտքեր, որ չի ասել: Յուղոտ ձկան մասին ասել է, բայց հաջորդ հարցազրույցում նշել է՝ ես չեմ ասել, որ ՀՀ-ում արտադրվող ձուկը որակյալ չէ, ասել եմ՝ այն ձուկը, որ արտադրվում է ՀՀ-ում, իմ քիմքին հարմար չէ, յուղոտ է»: