Պարագվայի Քոնգրեսին չի հաջողվել քվորում ապահովել՝ նախագահի հրաժարականն ընդունելու համար

Պարագվայի Քոնգրեսը չի կարողացել ընդունել կամ մերժել նախագահ Սանտյագո Պենյայի հրաժարականը՝ ձայների անբավարար քանակի պատճառով։ Երկարատև քննարկումներից հետո մեկնարկած քվեարկության պահին իշխող «Կոլորադո» կուսակցության պատգամավորները լքել են նիստերի դահլիճը, հայտնում է ABC Color-ը։

Քվորումի բացակայության պատճառով Սանտյագո Պենյան շարունակում է զբաղեցնել Պարագվայի նախագահի պաշտոնը։ Ավելի վաղ Պենյան հայտարարել էր իր հրաժարականի մասին՝ երկրում կայունությունը պահպանելու նպատակով։ Նոյեմբերի 3-ին երկրում ֆինանսական ճգնաժամ էր սկսվել, որին հաջորդել էին բողոքի ցույցերը։

Քոնգրեսի արտահերթ նիստում ընդդիմությունը հանդես էր եկել Սանտյագո Պենյայի հրաժարականի դեմ։ Ընդդիմադիր կուսակցությունների պատգամավորների կարծիքով՝ պաշտոնից հեռանալը Պենյային թույլ կտար խուսափել սկսված ճգնաժամի համար պատասխանատվությունից, քանի որ նա ցմահ տեղ կստանար Սենատում և կօգտվեր խորհրդարանական անձեռնմխելիությունից։