«Ո՞ւմ վրա եք մուննաթ գալիս, էտի չեմ կարում հասկանամ». Մեսրոպ Մանուկյան

ԱԺ մշտական հանձնաժողովների համատեղ նիստում 2027թ. պետական բյուջեի նախնական քննարկումներն են: Դիմելով Էկոնոմիկայի նախարար Գևորգ Պապոյանին՝ ընդդիմադիր պատգամավոր Մեսրոպ Մանուկյանն ասաց. «Ձեր թիմն ու կառավարությունն է ասել՝ ՌԴ-ի հետ մոտիկ եք, Պուտինի հետ ամենաշատը դուք եք զանգում: Երբ Շիրակի ձեր մարզպետը խոսում է ոչ իրեն հարիր, ասում ենք՝ ընկեր, սրան հետևանք ա լինելու, հետո լինում ա, ասում ա՝ ընդդիմությունն ա մեղավոր: Մի խոսացեք... Եթե հարաբերությունները լավ են, գազը էգուց չթանկանա, դրա տերն էլ եք դուք, թանկացավ, դրա տերն էլ եք դուք: Ում վրա եք մուննաթ գալիս, էտի չեմ կարում հասկանամ»:

Ավելի վաղ Պապոյանը, խոսելով արտահանման մասին, ասել էր. «Երբ նախորդ տարի այս ժամանակ բյուջեն կազմվում էր, բնականաբար չէր պլանավորվում, որ տեղի կունենան այդպիսի անհիմն սահմանափակումներ ՀՀ արտադրողների նկատմամբ ու ՀՀ արտադրողների որակյալ արտադրանքի մուտքը ռուսական շուկա կսահմանափակվի, որպեսզի ՀՀ-ում ինչ-որ ուժեր մի քանի ավել տոկոս ձայն ստանան ու հայտնվեն խորհրդարանում»: