«Շատ ցավալի դեպք է, բայց ես իրավաբան չեմ»․ Վահե Հովհաննիսյան

«Շատ ցավալի դեպք է... ես իրավաբան չեմ, չեմ կարող մեկնաբանել, Արդարադատության նախարարին հարցրեք՝ ինքը կմեկնաբանի։ Քրեական գործ է հարուցվել, որպեսզի պարզվի՝ ով է պատասխանատու. եթե անգործություն է տեղի ունեցել, պարզ է, որ պատասխանատվություն կրում է»,- լրագրողների հետ զրույցում ասել է Ֆինանսների նախարար Վահե Հովհաննիսյանը՝ արձագանքելով Ստեփանավանի ՏԻՄ ընտրություններում «Ուժեղ Հայաստան»-ի թեկնածու Արսեն Գևորգյանի մահվան վերաբերյալ լրագրողների հարցերին։
Լրագրողի դիտարկմանը՝ դա քաղաքական հետապնդում էր, նախարարը պատասխանել է․ «Դա քաղաքական հետապնդում չի, ընտրակաշառքը սարսափելի հանցագործություն է և կարծում եմ, որ դա ադեկվատ միջոց է»։