«Ադրբեջանական ղեկավարությունը դարձել է հայատյացության քաղաքականության զոհը». Շարմազանով

«Ադրբեջանն այդ քաղաքականությամբ ցույց է տալիս, որ պատրաստ չէ խաղաղ բանակցությունների, նրանք միջնորդ երկրների մոտ ասում են մի բան, բայց դարձել են իրենց քաղաքականության զոհը, իրենք են իրենց մտցրել փակուղի, միջազգային հանրությունը պետք է օգնի, որ նրանք կարողանան դուրս գալ այդ մաքսիմալիստական վիճակից, բայց անհնար է օգնել մեկին, ով չի ցանկանում այդ օգնությունը: Խնդիրն ադրբեջանական ղեկավարության ուղեղներում է, իրենք են դարձել հայատյացության քաղաքականության զոհը»,- այսօր լրագրողների հետ հանդիպմանն անդրադառնալով շփման գծում հակառակորդի կողմից դիվերսիոն գործողություններին, կարծիք է հայտնել ԱԺ փոխնախագահ, ՀՀԿ խոսնակ Էդուարդ Շարմազանովը:

Վերջինի խոսքով՝ Ադրբեջանը գրեթե ցանկացած լուրջ միջազգային իրադարձության պատասխանում է սադրանքով, ինչպես եղավ և՛ Նալբանդյան-Մամեդյարով հանդիպումից հետո, և՛ Ժնևյան հանդիպումից հետո, և՛ հիմա: