Եվրոխորհրդարանի անդամները դատապարտել են Սումգայիթի ջարդերն ու մեկ րոպե լռությամբ հարգել անմեղ զոհերի հիշատակը

Եվրոխորհրդարանում մի շարք միջոցառումներ են անցկացվել՝ նվիրված Արցախյան շարժման 30-ամյակին, որին մասնակցել են Եվրոխորհրդարանի անդամները, դիվանագետները, եվրոպական միջկառավարական կազմակերպությունների և հայ համայնքի ներկայացուցիչները, միջազգային փորձագետներն ու լրագրողները:

Եվրոխորհրդարանի անդամները հանդես են եկել հայտարարությամբ, որով դատապարտել են Սումգայիթում հայ բնակչության կոտորածն ու մեկ րոպե լռությամբ հարգանքի տուրք մատուցել Սումգայիթի անմեղ զոհերի հիշատակին:

Ինչպես նաև քննարկումներ են անցկացվել Լեռնային Ղարաբաղի հակամարտության կարգավորման, Արցախի ինքնորոշման իրավական և քաղաքական հիմքերի, Եվրոմիության դերի և նշանակության հարցերի շուրջ: