Ադրբեջանի խորհրդարանում պահանջում են Մամեդյարովի հրաժարականը

Այսօր Ադրբեջանի խորհրդարանում (միլի մեջլիս) նիստի ժամանակ պատգամավորներից մեկն Ադրբեջանի արտաքին գործերի նախարար Էլմար Մամեդյարովին կոչ է արել հրաժարական տալ:

Ադրբեջանական կայքերից մեկի հաղորդմամբ՝ նիստի ժամանակ պատգամավոր Ֆազայիլ Աղամլին հայտարարել է, որ «Ադրբեջանի արտաքին գործերի նախարարության գործունեությունը չի համապատասխանում երկրի նախագահ Իլհամ Ալիևի հարձակողական դիվանագիտությանը»:

Նա նշել է, որ Մամեդյարովի գործունեությունը չի համապատասխանում Ալիևի առաջնահերթություններին:

«Դա սարսափելի տեսարան է: Լավ կլիներ, եթե Էլմար Մամեդյարովն ինքնակամ հրաժարական տար»,- ասել է ադրբեջանցի պատգամավորը: