Ուրբաթ, 19 հոկտեմբերի, 2018 թ.
|
Ստեփանակերտում`   +8 °C

«ՀՀԿ պատգամավորները առավոտից տարածում են Ադրբեջանական քարոզչամեքենայի տեղեկությունները՝ փորձելով վախ ներշնչել սեփական ժողովրդին». Նիկոլ Փաշինյան

«ՀՀԿ պատգամավորները առավոտից տարածում են Ադրբեջանական քարոզչամեքենայի տեղեկությունները՝ փորձելով վախ ներշնչել սեփական ժողովրդին». Նիկոլ Փաշինյան
482
Երեքշաբթի, 01 մայիսի, 2018 թ., 21:20

ԱԺ-ում իր ավարտական խոսքի ժամանակ Նիկոլ Փաշինյանը հանրապետականներին մեղադրեց թշնամու հետ համագործակցելու համար: «Ինձ այս ամբիոնից շատ մեղադրեցինն, որ ես սպառնում եմ ոչնչացնել հանրապետական կուսակցությունը: Ես որևէ այդպիսի մտադրություն չունեմ, որովհետև Հանրապետական խմբակցությունն և կուսակցությունն ինքն իրեն ոչնչացրեց միանգամից և անշրջելիորեն: Սեփական ժողովրդի պատերազմ հայտարարող ուժն ընդհանրապես չի կարող գոյություն ունենալ: Եվ այն, ինչ մենք հիմա տեսնում ենք, ոչ թե կուսակցություն է, այլ նրա ուրվականը: Այստեղ 2-րդ կարծիք լինել չի կարող: Զարմանալի մի բան տեղի ունեցավ, ՀՀԿ պատգամավորներն իրենց իշխանության տեսիլքը պահպանելու համար անցան հակապետական ռիտորիկայի՝ փորձելով մեր շարժմանն աշխարհաքաղաքական դավադրություն լինելու մասին զանգեր ուղարկել տարբեր ուղություններով: Այդ հայտարարությունները ոչ միայն ուղղակիորեն ուղղված են Հայաստանի անվտանգությանն, այլև մի շարք բարեկամ երկրների բարեկամությանը: Նպատակ ունենա այնպես անել, որ բարեկամ երկրների մեջ թշնամանք առաջանա: Ես ուզում եմ պատասխանատու ասել, բոլոր նրանք, ովքեր փորձում են ակնարկել, թե այս ամենի մեջ ինչ-որ մութ օտար ուժերի սցենար կա, նրանք վիրավորում են սեփական ժողովրդին: Նրանք էնքան չեն ճանաչում, այնքան են կտրված սեփական ժողովրդից, որ կարծում են, թե կարողացել են հաղթել սեփական ժողովրդին: Նրանք կարծում են, թե հայ ժողովուրդը չի կարող լինել այսքան հզոր: Սա ցույց է տալիս, որ այս կուսակցությունը վաղուց կտրել է իր բոլոր կապերը իր ժողովրդի հետ: Խոսում են պայթյունավտանգ իրավիճակի մասին: Սիրելիներս, ոչ մի պայթյունավտանգ գոյություն չունի: Դա լինում է այն ժամանակ, երբ կա ուժերի որոշակի հարաբերակցություն: Ինչն այսօր Հայաստանում չկա: Այսօր ՀՀ-ում կամի կողմից՝ ժողովուրդ, և հանրապետական 20-25 պատգամավոր՝ մյուս կողմից և Հանրապետական վերնախավ: Չկա որևէ պայթյունավտանգ իրավիճակ, որովհետև ժողովուրդը միասնական է: Ես կոչ եմ անում ընդհանրապես չխոսել բախոմների, ցնցումների մասին: Չի լինելու ոչ մի բախում, որվհետև ժողովրդի դեմ ոչ մի ուժ չկա:

Արձանագրենք հաջորդը՝ բազմիցս եմ ասել, որ ՀՀ և ԱՀ սպառնացող վտանգի դեպքում այս ողջ համազգային և համաժողովրդական շարժումը լծվելու է Արցախի և Հայաստանի պաշտպանությանը:

Ես ուզում եմ ձեր ուշադրությունը հրավիրել մի բանի վրա: ՀՀԿ որոշ պատգամավորներ ՀՀ ԱԺ ամբիոնից տարածում են ադրբեջանական քարոզչության նյութերը և տեղեկությունները՝ փորձելով խուճապ առաջացնել Հայաստանի ժողովրդի շրջանում: Սա ինչ է, եթե ոչ ուղիղ համագործակցություն Ադրբեջանի հետ, և ինչ է, եթե ոչ օգնության հուսահատ կանչ՝ ուղղված Ադրբեջանին և նրա առաջին դեմք Իլհամ Ալիևին: Ես սրան որևէ ուրիշ որակում չեմ կարող տալ: Սա ՀՀԿ-ի ինքնաոչնչացման վերջին կատոգորիան է»:

ՀՀԿ-ն ինքն իրեն ոչնչացրեց, մնացել է ՀՀԿ-ի ուրվականը. Նիկոլ Փաշինյանի եզրափակիչ ելույթը