«Մերժված իշխանություններ. Հայաստանում վերսկսվել են ցույցերը». միջազգային ԶԼՄ-ներ

Աշխարհը շարունակում է հետևել ներհայաստանյան զարգացումներին: Այսօր համաշխարհային հեղինակավոր մի շարք լրատվամիջոցների առաջին էջերին է հայտնվել «Մերժված իշխանություններ. Հայաստանում վերսկսվել են ցույցերը» խորագիրը:
Երեկ վարչապետի ձախողված ընտրությունների մասին գրում է BBC-ն. «Երևանի կենտրոնում հավաքված բազմահազարանոց ամբոխին է դիմել ընդդիմադիր առաջնորդ, վարչապետի միակ թեկնածու Նիկոլ Փաշինյանը՝ կոչ անելով շարունակել հակակառավարական ցույցերը՝ ձախողված ընտրություններից հետո: Նա կոչ է արել փակել բոլոր փողոցները, ավտոկայաններն ու նույնիսկ օդանավակայանը: Պարոն Փաշինյանը երեկ չընտրվեց վարչապետի պաշտոնին՝ հավաքելով ընդամենը 45 ձայն»: Պարբերականը հայտնում է նաև, որ Փաշինյանը կոչ է արել շարունակել ոչ բռնի, խաղաղ ցույցերն ու տոտալ գործադուլն ու դասադուլը:
«Մերժված իշխանություններ. Հայաստանում վերսկվել են ցույցերը: Երկրի իշխող Հանրապետական կուսակցությունը թույլ չտվեց Նիկոլ Փաշինյանին դառնալ վարչապետին: Փաշինյանը ցուցարաներին կոչ արեց շարունակել փակել քաղաքի բոլոր փողոցները»,- ասվում է The New York Times-ի հոդվածում:
The Express Tribune պարբերականը հաղորդում է Նիկոլ Փաշինյանի գլխավորած սիրո և հանդուրժողականության հեղափոխության շարունակության մասին: «Նիկո՜լ, հաղթանա՜կ»,- պարբերականը մեջբերում է բազմահազարանոց ամբոխի վանկարումները:
Ձախողված ընտրությունների, ինչպես նաև շարունակվող ցույցերի մասին հայտնում են նաև The Guardian-ը, The Times-ը, Al Jazeera-ն, Reuters-ը, The Times of India-ն, Xinhuanet-ը:
News.ru-ն՝ հղում անելով «Интерфакс»-ին հայտնում է, որ Հայաստանի մայրաքաղաք Երևանում այսօր փակվել են գլխավոր փողոցներն ու օդանավակայանը: Պարբերականը նաև տեսանյութ է ներկայացնում օդանավակայանի փակ ճանապարհից՝ հիշեցնելով, որ նման կոչով երեկ՝ մայիսի 1-ին վարչապետի ձախողված ընտրություններից հետո հանդես էր եկել ընդդիմադիր գործիչ Նիկոլ Փաշինյանը:
Ռուսական մի շարք լրատվամիջոցներ հաղորդում են այսօր Հայաստանում հայտարարված տոտալ անհնազանդության, տոտալ դասադուլի և գործադուլի մասին: «Նրանք ցանկանում էին սադրել մեզ, սակայն ոչ, չստացվեց: Սա խաղաղ շարժում է: Հայտարարում եմ, որ մեզ հետ բանակցություններ կարող եք անցկացնել բացառապես մեկ հարցի՝ Հանրապետական կուսակցության հեռացման շուրջ»,- ռուսական ԶԼՄ-ները մեջբերում են Փաշինյանի խոսքը:





«Դիշովի զրույցի թեմա եք բացել․ հերիք ա մարդկանց մեղադրեք չզոհվելու համար»․ Գեղամ Մանուկյանը՝ Նիկոլ Փաշինյանին (տեսանյութ)
3419:00
«Դու արջ քորող ստնտու ես»․ Նիկոլ Փաշինյանը՝ Մեսրոպ Մանուկյանին (տեսանյութ)
5418:42
«Գողին բարերար չփորձեք կոչել․ հեսա փողերը ձեռներիցդ կառնենք, կդառնաք քաղաքական բոմժ»․ Նիկոլ Փաշինյանը՝ ընդդիմադիրներին (տեսանյութ)
5618:36
«Ասում են՝ գյոզալ Ավստրալիան ու Բրազիլիան թողած՝ գնացել են Ադրբեջանի հետ են խաղաղություն հաստատում»․ Նիկոլ Փաշինյան (տեսանյութ)
7618:18
«Նոր սահմանադրության ուղերձը մեկն է՝ մենք փակում ենք կոնֆլիկտների էջը բոլոր ուղղություններով»․ Նիկոլ Փաշինյան (տեսանյութ)
6517:42
Նիկոլ Փաշինյանն ընդունել է Գերմանիայի ԱԳ նախարարի գլխավորած պատվիրակությանը
7117:30
«Հերթով ձեր տեղը գտնում եք ՀՀ ինքնիշխան պետության բանտախցերում», «դուք ինձ սպառնո՞ւմ էիք». իրավիճակը՝ ԱԺ-ում (տեսանյութ)
9617:24
«Ադրբեջանի «վերջին պահանջը» ձևավորվում է Հայաստանում»․ Վահե Հովհաննիսյան
7117:06