Երկուշաբթի, 22 հոկտեմբերի, 2018 թ.
|
Ստեփանակերտում`   +15 °C

Սեյրան Սարոյանը՝ Դավիթ Տոնոյանի նշանակման և Վիգեն Սարգսյանի գործունեության մասին

Սեյրան Սարոյանը՝ Դավիթ Տոնոյանի նշանակման և Վիգեն Սարգսյանի գործունեության մասին
898
Շաբաթ, 12 մայիսի, 2018 թ., 13:40

«Ինքը տիրապետում է բանակին, երկար տարիներ եղել է փոխնախարար: Տոնոյան Դավիթը լուրջ դպրոց անցած մարդ է, անցել է և բանակը: Ես վստահ եմ, որ կլինի շատ լավ նախարար, ուժեղ նախարար է լինելու: Իր համար նորույթ չի բանակը, կադրերին ճանաչում է»,-այսօր «Եռաբլուր» պանթեոնում լրագրողների հետ զրույցում անդրադառանալով Պաշտպանության նախարարի պաշտոնում Դավիթ Տոնոյանի նշանակմանը, ասել է ՀՀԿ խմբակցության պատգամավոր, գեներալ Սեյրան Սարոյանը:

Խոսելով նախկին նախարար Վիգեն Սարգսյանի մասին, գեներալն ասել է. «Վիգեն Սարգսյանն իր գործն անում էր, ափսոս, որ կիսատ մնաց: Ինքը յոթ տարվա ծրագիր ուներ, կարար աշխատեր: Ես չեմ կարող ասել՝ Տոնոյանը կշարունակի այդ ծրագիրը, թե ոչ, բայց նորմալ ծրագիր էր, վատը չէր: Իսկ թե Տոնոյանն ինչ նոր ծրագիր կբերի, որքանով ավելի ուժեղ կամ թույլ կլինի, չեմ կարող ասել»: