Չորեքշաբթի, 18 մարտի, 2026 թ.
|
Ստեփանակերտում`   +7 °C

ԱՄՆ-ն պատրաստ է քննարկել Նիկոլ Փաշինյանի կառավարությանը 140 միլիոն դոլարի չափով ֆինանսական օգնություն տրամադրելու հարցը

ԱՄՆ-ն պատրաստ է քննարկել Նիկոլ Փաշինյանի կառավարությանը 140 միլիոն դոլարի չափով ֆինանսական օգնություն տրամադրելու հարցը
3136
Չորեքշաբթի, 23 մայիսի, 2018 թ., 10:15

ԱՄՆ-ն պատրաստ է քննարկել Նիկոլ Փաշինյանի գլխավորությամբ ՀՀ նոր կառավարությանը 140 միլիոն դոլարի չափով ֆինանսական օգնություն տրամադրելու հարցը: Այս մասին իր ասվում է ԱՄՆ պետքարտուղար Մայք Փոմփեոյի նամակում, որն իր կայքում հրապարակել է Ամերիկայի Հայ դատի հանձնախումբը:

«Մենք պատրաստ ենք քննարկել Հայաստանին «Հազարամյակի մարտահրավեր» (ստեղծված 2004թ. աշխարհի աղքատ երկրների տնտեսությունների զարգացման համար Պետդեպարտամենտի ծրագրի շրջանակներում) կորպորացիայի միջոցով 140 միլիոն դոլարի դրամաշնորհ տրամադրելու հարցը: Սակայն Հայաստանը ծրագրին մասնակցելու համար պետք է երկրում տեղի ունեցած դրական փոփոխությունների մասին տեղեկացնի»,- իր նամակում նշել է Փոմփեոն:

Հիշեցնենք, որ մայիսի 9-ին Հայ դատի հանձնախումբը դիմել էր ԱՄՆ Պետդեպարտամենտին՝ Հայաստանին «Հազարամյակի մարտահրավեր» կորպորացիայի միջոցով 140 միլիոն դոլարի դրամաշնորհ տրամադրելու խնդրանքով: