Երեքշաբթի, 16 հոկտեմբերի, 2018 թ.
|
Ստեփանակերտում`   +9 °C

ՌԴ պաշտպանության փոխնախարարը հերքել է Հայաստանին զենքի մատակարարումը դադարեցնելու լուրերը

ՌԴ պաշտպանության փոխնախարարը հերքել է Հայաստանին զենքի մատակարարումը դադարեցնելու լուրերը
190
Ուրբաթ, 03 օգոստոսի, 2018 թ., 12:35

«Կոմերսանտ»-ի տեղեկատվությունը, թե հարցականի տակ է 100 միլիոն դոլարի վարկի շրջանակում նախատեսված ռուսական նոր սպառազինության մատակարարումը Հայաստանին, ստույգ չէ: Այս մասին հայտարարել է Ռուսաստանի պաշտպանության նախարարի տեղակալ, գեներալ-գնդապետ Ալեքսանդր Ֆոմինը՝ այսօր Երևանում պատասխանելով «Ազատության» հարցին:

«Դա ոչ ստույգ ինֆորմացիա է, ամեն ինչ աշխատում է»,- ասել է ռուս գեներալը:

Նախօրեին ռուսաստանյան պարբերականը ծավալուն հոդված էր հրապարակել, որում մասնավորապես պնդում էր, թե պաշտոնական Մոսկվան վրդովված է Հայաստանի երկրորդ նախագահ Ռոբերտ Քոչարյանի կալանավորման և հատկապես ՀԱՊԿ գլխավոր քարտուղար Յուրի Խաչատուրովին մեղադրանքի առաջադրման կապակցությամբ, ու հարցականի տակ է 100 միլիոն դոլարի վարկի շրջանակում նախատեսված ռուսական նոր սպառազինության մատակարարումը Հայաստանին: