Բելառուսի ռազմական մատակարարումներն Ադրբեջանին. 153 տանկ, 60 զրահամեքենա և 11 գրոհիչ

Անկախության տարիներին Բելառուսն ու Ադրբեջանն ավելի քան կես միլիարդ դոլարի զենքի առևտրով են զբաղվել: Այս մասին Մինսկում ասել է ադրբեջանցի գեներալ-գնդապետ Նաջմեդին Սադիկովը:

Նրա խոսքով՝ լուրջ առաջընթաց էր «Պոլոնեզ» համազարկային կրակի ռեակտիվ համակարգերի (ՀԿՌՀ) մատակարարումը:

Բացի այդ, բելառուսական կողմը բացահայտել է, որ 2002-2012 թթ.-ին Մինսկն ադրբեջանցի զինվորականներին 153 T-2 տանկ, 122 միլիմետր տարամաչափով 120 հրետանային Դ-30 համակարգ, 203 մմ տրամաչափի 12 2C7 հրետանային սարքավորումներ, 60 անվավոր զրահամեքենա և Սու-25 11 գրոհիչ է մատակարարել։

Հաղորդվում է նաև, որ երկու երկրների ռազմական համագործակցությունը չի սահմանափակվել սովետական տեխնիկայի գնմամբ. բելառուսական ռազմական արդյունաբերության համալիրի ձեռնարկություններն արդիականացրել են Ադրբեջանում առկա «Պեչորա» Ս-125Մ և «Օսա-ԱԿՄ» 9Կ33Մ զենիթահրթիռային համալիրները, ինչպես նաև հատուկ ադրբեջանական բանակի համար՝ «Բուկ-ՄԲ» ԶՀՀ-ը:

Ընդհանուր առմամբ, համագործակցության 10 տարվա ընթացքում, որոշ տվյալների համաձայն, բելառուսական կողմն ստացել է ավելի քան 500 միլիոն դոլարի եկամուտ: