Անգելա Մերկելը՝ վիզաների ազատականացման մասին

ՀՀ վարչապետ Նիկոլ Փաշինյանի հետ համատեղ ասուլիսում Գերմանիայի Դաշնային Հանրապետության կանցլեր Անգելա Մերկելը, պատասխանելով վիզաների ազատականացման ռեժիմին վերաբերող հարցերին, ասաց.

«Ակնկալում ենք, որ այս հարցը առաջընթաց կունենա ու մենք մեզանից կախված ամեն ինչ կանենք այդ հարցին առաջընթաց տալու համար»:

Հարցին անդրադարձավ նաև Հայաստանի վարչապետը. «Քննարկման ընթացքում արձանագրեցինք, որ Հայաստանում տեղի ունեցած քաղաքական փոփոխություններից հետո վերջին ամիսների վիճակագրությունը ցույց է տալիս, որ Հայաստան եկողները ավելի շատ են, քան՝ հեռացողները, ինչը նշանակում է, որ Հայաստանում տեղի ունեցած քաղաքական փոփոխությունները, ըստ էության, ոչ թե պետք է խրախուսեն Հայաստանից արտագաղթը, այլ՝ հայրենադարձությունը», - նշեց Փաշինյանը։