Շարմազանովը՝ Քոչարյանի քաղաքականություն վերադառնալու մասին

Լրագրողների հետ ճեպազրույցի ժամանակ ՀՀ ԱԺ նախագահի տեղակալ Էդուարդ Շարմազանովը ՀՀ երկրորդ նախագահ Ռ․ Քոչարյանի քաղաքակնություն վերադառնալու և ՀՀԿ-ի վերջինիս հետ համագործակցության պատրաստակամության մասին ասել է․ «Ռ․ Քոչարյանը, ըստ իմ սուբյեկտիվ կարծիքի, քաղաքական և պետական գործիչ է, որը լուրջ ասելիք ու անելիք ունի հայաստանյան քաղաքական դաշտում։ Նա ունի բոլոր իրավունքները քաղաքականությամբ զբաղվելու և կարծում եմ, որ այդպես էլ կանի։ Հանրապետական կուսակցությունը կոնսոլիդացված է իր գաղափարների շուրջը և պատրաստ է համագործակցել բոլոր առողջ ուժերի՝ այդ թվում, նաև, Քոչարյանի հետ։ Եթե դուք կարծում եք, որ Քոչարյանը հանգած հրաբուխ է, ապա դուք քաղաքականությունից ոչինչ չեք հասկանում»։