«Իրականում ՀԱՊԿ-ը և Ռուսաստանն են շատ թերանում Հայաստանի հանդեպ պարտավորությունները կատարելու գործում»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է․

«Սերգեյ Լավրովը, խոսելով Պուտին-Փաշինյան առաջիկա հանդիպման մասին, ասել է. «Մեզ, իհարկե, հուզում է, թե ինչպես է այդ իրավիճակում Հայաստանն իրականացնում իր պարտավորությունները ՀԱՊԿ-ի առջև: Մեր դիրքորոշումն այն է, որ այդ պարտավորությունները պետք է իրականացվեն և կարևոր է կազմակերպության հեղինակության ամրապնդումը»: Իրականում ՀԱՊԿ-ը, և առաջին հերթին՝ Ռուսաստանն են շատ թերանում Հայաստանի հանդեպ պարտավորությունները կատարելու գործում, որի հետևանքով ՀԱՊԿ-ը հեղինակազրկվել է: Երեկ՝ սեպտեմբերի 2-ի երեկոյան, մոտ կես ժամ ադրբեջանական զինուժը գնդակոծել է ՀԱՊԿ անդամ Հայաստանի Տավուշի մարզի Կոթի գյուղը, իսկ այդ կառույցը հերթական անգամ լռել է: Մինչդեռ ՀԱՊԿ-ը ստեղծվել է իր անդամ երկրների անվտանգությունն ապահովելու համար: Պուտինը Հայաստանի նոր իշխանության վրա ճնշում գործադրելու համար փորձում է օգտվել այն սխալից, որ Խաչատուրովին դատելու համար Հայաստանը սկզբում նրան պետք է ետ կանչեր ՀԱՊԿ ղեկավարի պաշտոնից,այդ պաշտոնում նրան փոխարիներ մեր երկրի այլ ներկայացուցչով»։