Այսօր լրագրողների Համերաշխության միջազգային օրն է

1958թ. Լրագրողների միջազգային կազմակերպության IV կոնգրեսի որոշմամբ՝ սեպտեմբերի 8-ը հռչակվել է Լրագրողների համերաշխության միջազգային օր: Օրվա ընտրությունը պատահական չէ, քանի որ 1943թ-ի սեպտեմբերի 8-ին՝ Բեռլինում, ֆաշիստները մահապատժի ենթարկեցին 1942թ. գեստապոյի ձերբակալած չեխոսլովակցի լրագրող, գրական և թատերական քննադատ, հրապարակախոս, չեխոսլովակյան կոմկուսի ակտիվիստ Յուլիուս Ֆուչիկինին: Ֆուչկինը բանտում շարունակում է իր մասնագիտական աշխատանքը և գրում է «Ռեպորտաժ՝ կախաղանի օղակը վզին» գիրքը, որի համար հետմահու պարգևատրվել է Խաղաղության միջազգային մրցանակով։

Լրագրողների համերաշխության միջազգային օրը կազմակերպվում են մասնագիտական կոնֆերանսներ և հավաքներ, որի նպատակը փորձի փոխանակումն ու արժանիներին հիշատակելն է։