Շաբաթ, 17 նոյեմբերի, 2018 թ.
|
Ստեփանակերտում`   +9 °C

«Ի՞նչ է խոսվել փակ դռների հետևում Պուտին-Փաշինյան հանդիպմանը». «Հրապարակ»

«Ի՞նչ է խոսվել փակ դռների հետևում Պուտին-Փաշինյան հանդիպմանը». «Հրապարակ»
101
Երեքշաբթի, 11 սեպտեմբերի, 2018 թ., 09:15

«Հրապարակ»-ը գրում է. «Բացի Պուտին-Փաշինյան այցի պաշտոնական լրատվությունից, բոլորին հետաքրքրում է, թե ինչ է խոսվել փակ դռների հետևում, և ինչ արդյունք է տվել այս հանդիպումը։ Ըստ ռուսական կուլիսներից ստացվող տեղեկությունների՝ Նիկոլ Փաշինյանը փորձել է ամեն ինչ անել Վլադիմիր Վլադիմիրովիչի վստահությունը շահելու և իր նպատակների մաքրության մեջ համոզելու համար։

Եվ ուղղակի կամ անուղղակի հասկացրել է, որ ինքն առճակատման գնալու մտադրություն չունի՝ պատրաստ է համագործակցել և բոլոր կնճռոտ հարցերում զիջումների գնալ։ Եթե խնդիրը «սորոսյան» և առհասարակ ամերիկյան ազդեցության կադրերն են, ապա պատրաստ է փոխել, մանավանդ, այնպես չէ, որ սրանք «երկնքից աստղեր են իջեցնում»։

Հիշեցնենք, որ այդ ցուցակի առաջին հորիզոնականում ԱԽ քարտուղար Արմեն Գրիգորյանն է։ Այնպես որ, մինչև հունվար որոշ կադրային փոփոխություններ կարվեն»:

Մանրամասները՝ թերթի համարում: