Շաբաթ, 17 նոյեմբերի, 2018 թ.
|
Ստեփանակերտում`   +9 °C

«Սա յուրովի դիվերսիա է Հայաստանի Հանրապետության նկատմամբ»․ Նորայր Նորիկյան

«Սա յուրովի դիվերսիա է Հայաստանի Հանրապետության նկատմամբ»․ Նորայր Նորիկյան
209
Երեքշաբթի, 11 սեպտեմբերի, 2018 թ., 16:45

Փաստաբան Նորայր Նորիկյանը ֆեյսբուքյան իր էջում գրել է.

«Դեռ հնարավորություն և առիթ կլինի անդրադառնալու ՀՀ ԱԱԾ տնօրենի և ՀՔԾ պետի հեռախոսային խոսակցության բովանդակությանը, սակայն ինձ ուղղակի սթափեցրեց այն հանգամանքը, որ մեր երկրում, փաստորեն, ոչ միայն հնարավոր է գաղտնալսել ԱԱԾ տնօրենին, այլև՝ հրապարակել այն:
Կարծում եմ, որ սա լրջագույն սպառնալիք է ՀՀ ազգային անվտանգության համար:
Ստացվում է, որ կան մարդիկ կամ ուժեր, ովքեր հասանելիություն ունեն ՀՀ կարևորագույն մարմիններ և կարող են ձեռք բերել, տիրապետել և տնօրինել ցանկացած տեղեկատվություն:
Այլ կերպ ասած, սա յուրովի դիվերսիա է Հայաստանի Հանրապետության նկատմամբ:
Չեմ բացառում, որ գաղտնալսումն իրականացված լինի նաև այլ, ավելի հզոր երկրի կամ երկրների տարբեր մարմինների կողմից և հրամցված լինի շահագրգիռ շրջանակներին, ովքեր հայտնի քրեական գործերի շրջանակներում մեղադրվում են կամ կարող են մեղադրվել:
Գտնում եմ, որ իշխանությունները պետք է հետևողականորեն իրականացնեն քայլեր՝ բացահայտելու, թե ու՞մ կողմից է իրականացվել գաղտնալսումը և ի՞նչ նպատակով:
Նախևառաջ այս ամենը պետք է Նիկոլին՝ լրջագույն հետևությունների հանգելու համար…»։