«Տիգրան Աբգարյանին սպանել են հատուկ ջոկատայինները, որպեսզի արտակարգ դրություն մտցվի». Սասուն Խաչատրյան

ՀՔԾ պետը լրագրողների հետ հանդիպման ժամանակ անդրադարձել է Տիգրան Աբգարյանի մահվան հանգամանքներին. «Տ. Աբգարյանի՝ ներքին զորքերի զինծառայողի, մահվան հանգամանքներն առավել քան մշուշոտ են ու այս ուղղությամբ բավականին աշխատանք ենք արել ու այսօր կարող ենք վստահ ասել, որ նա սպանվել է հատուկ ջոկատայինների կողմից: Այդ մասին ունենք ապացույցներ: Տ. Աբգարյանը սպանվել է այն ժամանակ, երբ Քոչարյանը մտցրել էր արտակարգ դրություն, բայց հրազենային որևէ վիրավորում ստացած զինծառայող չկար, ու մեր վարկածը հետևյալն էր, որ Աբգարյանին հրազենային վիրավորում է հասցվել, որպեսզի Քոչարյանի խոսքերը՝ որ արդեն ունենք զոհեր, հիմնավորվի»: