Թրամփը ՌԴ գծով խորհրդականին առաջադրել է ՀՀ-ում ԱՄՆ դեսպանի պաշտոնի համար

ԱՄՆ նախագահ Դոնալդ Թրամփը Լինն Թրեյսիին առաջադրել է ՀՀ-ում ԱՄՆ դեսպանի պաշտոնի համար: Այս մասին ասվում է Սպիտակ տան պաշտոնական կայքում:

Ներկայում Թրեյսին հանդիսանում է ԱՄՆ Պետդեպարտամենտում Ռուսաստանի հետ հարաբերությունների հարցերով ավագ խորհրդական:

Նախկինում նա զբաղեցրել է Մոսկվայում ԱՄՆ ներկայացուցչության ղեկավարի տեղակալի պաշտոնը: Եղել է նաև Թուրքմենստանում ԱՄՆ ներկայացուցչության ղեկավարի տեղակալ:

Այժմ ՀՀ-ում ԱՄՆ դեսպանի պաշտոնը զբաղեցնում է Ռիչարդ Միլսը: