Բողոքի ակցիաներ՝ Կառավարության շենքի դիմաց

Այսօր առավոտվանից կառավարության շենքի դիմաց մի խումբ բնակիչներ բողոքի ակցիաներ էին իրականացնում:

Մի շարք ծնողներ բողոքում էին, որ զորամասերում ոչինչ չի փոխվել, և զինվորները շարունակում են գումար ու հագուստ պահանջել ծնողներից: Մայրերը նշում էին, որ շատ հաճախ դիրքերում տղաները սոված են մնում: Ծնողների պնդմամբ՝ մեկ-երկու հոգի չէ, որ այդպես են ասում, այլ՝ շատերը: «Եկել ենք՝ պահանջելու, որ այս իրավիճակը վերջապես լուծում ստանա: Արարատ Միրզոյանին և Նիկոլ Փաշինյանին էլ արդեն գրել ենք այդ խնդրի մասին»:

«Պարոն վարչապետ, վերականգնեք հաշմանդամ օդաչուների խախտված իրավուքները», «Հյուսիսային պողոտայի և Բուզանդի բնակիչները 14 տարի է պայքարում են իրենց ոտնահարված իրավունքների համար». նմանատիպ պաստառներով և կոչերով քաղաքացիները ևս կառավարության շենքի դիմաց բողոքի ակցիա էին անցկացնում: