«Քրդստանում երկուշաբթի հայտարարվել է «ազգային տոն», քանի որ վերջապես տեղի ունեցան երկար սպասված խորհրդարանական ընտրություններ». Կարեն Հովհաննիսյան

Քրդագետ Կարեն Հովհաննիսյանը ֆեյսբուքյան իր էջում գրում է. «Իրաքյան Քրդստանում ավարտվեցին խորհրդարանական ընտրությունները, փակվեցին բոլոր 5941 ընտրատեղամասերը: Շուտով սկսվելու է քվեների հաշվարկը և կգան առաջին տեղեկությունները:

Քրդստանի կառավարությունը երկուշաբթի օրը հայտարարել է «ազգային տոն»-ի օր, քանի որ Քրդստանում վերջապես տեղի են ունենում երկար սպասված ժողովրդավար ընտրություններ:
Մինչդեռ «Քրդստանի հայրենասիրական միություն» կուսակցության մամլո խոսնակ Սադի Փիրան հայտարարել է, որ իրենք մերժում են խորհրդարանական ընտրությունների արդյունքները և կոչ արել հանձնաժողովի անդամներին չստորագրել արձանագրությունները:
«Քրդստանի դեմոկրատական» կուսակցությունը դատապարտել է ՔՀՄ-ի ապակառուցողական հայտարարությունը և կոչը ուղղված հանձնաժողովի անդամներին դիտարկում որպես միջամտություն հանձնաժողովի աշխատանքներին»:
Ավելի վաղ քրդագետը տեղեկացրել էր, որ Խորհրդարանի ընտրությունները մեկնարկել են Իրաքյան Քրդստանում: Էրբիլ, Սուլեյմանի, Դուհոկ և Հալաբժա նահանգներում 5941 ընտրատեղամասերը բացել են իրենց դռները ընտրողների առջև:
111 տեղի համար պայքարում են 773 թեկնածու 29 կուսակցությունից, այդ թվում՝ 6 հայ թեկնածու:
Քվերակությունն սկսվել է Իրաքի ժամանակով ժամը ՝ 8:00-ից և կավարտվի 18:00-ին: Քվերակության ավարտից անմիջապես հետո սկսվում է ձայների հաշվարկը:
Էրբիլ նահանգում կա 1036419 ընտրող, Սուլեյմանի նահանգում ՝ 1134 760, Դուհոկ նահանգում՝ 677797 և Հալաբժայի նահանգում ՝ 66016: