Երկուշաբթի, 20 ապրիլի, 2026 թ.
|
Ստեփանակերտում`   +8 °C

«ԼՂ հակամարտությունը կարող է դուրս գալ եռակողմ պայքարի շրջանակներից». Արմեն Սարգսյանի հարցազրույցը վրացական հեռուստաալիքին

«ԼՂ հակամարտությունը կարող է դուրս գալ եռակողմ պայքարի շրջանակներից». Արմեն Սարգսյանի հարցազրույցը վրացական հեռուստաալիքին
458
Երկուշաբթի, 01 հոկտեմբերի, 2018 թ., 11:05

ՀՀ նախագահ Արմեն Սարգսյանը հարցազրույց է տվել վրացական Starvision հեռուստաալիքին, որում խոսել է նոր Հայաստանի, Վրաստանի հետ հարաբերությունների, արտաքին գործոնների և Արցախյան հակամարտության կարգավորման մասին:

«Ղարաբաղյան թեման կարևոր է ոչ միայն Հայաստանի և Ադրբեջանի, այլ նաև ողջ տարածաշրջանի համար: Այդ խնդրի լուծումը տեսականորեն կարող է այլ ուղիներ ունենալ: Սակայն ինձ իրատեսական է թվում միայն մեկ ուղի՝ բանակցային ուղին: Մյուս բոլոր ուղիները տանում են դեպի ռազմական գործողությունները, կործանումն ու մարդկային ողբերգությունը»,- ասել է ՀՀ նախագահը:

Նրա խոսքով՝ Հարավային Կովկասում չափից շատ են կենտրոնացած սպառազինությունները, և Արցախյան հակամարտությունը հեշտությամբ կարող է դուրս գալ Հայաստանի, Արցախի և Ադրբեջանի դիմակայման շրջանակներից:

«Դրանից կտուժեն բոլորը, այդ թվում՝ Վրաստանը, և շատ այլ երկրներ»,- նշել է Արմեն Սարգսյանը:

«Մենք պետք է ջանքեր գործադրենք, որպեսզի այդ միակ ճիշտ մոտեցումը՝ բանակցությունները, ոչ միայն ուժի մեջ մնան, այլ նաև իրական արդյունք տան»,- հավելել է ՀՀ նախագահ Արմեն Սարգսյանը:

Մանրամասները՝ տեսանյութում:

«ԼՂ հակամարտությունը կարող է դուրս գալ եռակողմ պայքարի շրջանակից». Արմեն Սարգսյանի հարցազրույցը վրացական հեռուստաալիքին