«Օրենքն այսօր ժողովրդի ձեռքում է և ոչ թե թղթի վրա». Արթուր Հայրապետյան

Լրագրող Արթուր Հայրապետյանը ֆեյսբուքյան իր էջում գրել է. «ՀՀԿ - ԲՀԿ - ՀՅԴ ձեր հակաժողովրդական որոշումը պետք է չեղյալ համարեք և լքեք ԱԺ շենքը։ ԱԺ-ն պետք է ինքնալուծարվի և վերջ։ Դա է օրենքի գերակայությունը, որովհետև օրենքն այսօր ժողովրդի ձեռքում է և ոչ թե թղթի վրա։
Ինչ իմանաս ՀՀԿ-ի մտքին ինչ կա։ Նիկոլի հրաժարականից հետո ՀՀԿ-ն բա որ իր թեկնածուին առաջադրեց ու ընտրեց, հետո՞...
Ես ամեն դեպքում մնում եմ իմ կարծիքին՝ Նիկոլը չպետք է հրաժարական ներկայացնի։
Չպետք է շտապել։ Չպետք է վստահել ՀՀԿ-ին և նրանց միացած քաղաքական ուժերին։
Որոշում կայացնելը նաև ընտրություն է, չպետք է սխալվել։
ՀՀԿ-ն պետք է մի բան հասկանա, որ չի ուզում հասկանալ, որ ժողովուրդը պատրաստ է հեղափոխությունը հասցնել իր ավարտին և ավարտը մեկն է՝ ցրել ԱԺ-ն և ուրիշ ոչինչ։
Իսկ սահմանադրությունը հակաօրինական ճանապարհով, կեղծ ընտրությունների միջոցով է ՀՀԿ-ն անցկացրել։
Հուսանք, որ բանակցությունների արդյունքում, այնուամենայնիվ, ժողովրդի պահանջը հաշվի կառնվի՝ օր առաջ ԱԺ-ն լուծարել, առանց վարչապետի հրաժարականի։
Հուսանք, որ ՀՀԿ-ն իր հակաժողովրդական որոշումը կփոխի»։