ԵԽԽՎ-ի կոչը՝ Հայաստանի քաղաքական ուժերին
1992 Չորեքշաբթի, 03 հոկտեմբերի, 2018 թ., 16:35 Եվրոպայի խորհրդի խորհրդարանական վեհաժողովում (ԵԽԽՎ) Հայաստանի հարցով համազեկուցող Յուլիա Լովոչկինան (Ուկրաինա) այսօր Հայաստանի քաղաքական բոլոր ուժերին կոչ է արել հարգել ժողովրդավարության և օրենքի գերակայության սկզբունքները: Այս մասին ասվում է ԵԽԽՎ-ի կայքում: «Սեպտեմբերի 23-ին Երևանում կայացած ավագանու ընտրությունները ցույց տվեցին հայ ժողովրդի ժողովրդավարական ձգտումները: Միևնույն ժամանակ, ընտրություններին մասնակիցների քանակը ցույց տվեց, որ քաղաքական գործընթացներին հանրության վստահությունը մնում է ցածր մակարդակի վրա: Եվ, հետևաբար, կարևոր է, որպեսզի խորհրդարանական հաջորդ ընտրություններն ընդունվեն որպես ժողովրդավարական և արդար քաղաքական բոլոր ուժերի կողմից: Կոչ ենք անում իշխանություններին և քաղաքական բոլոր ուժերին արտահերթ ընտրություններին ամբողջովին հետևել եվրոպական չափանիշներին և նորմերին՝ ժողովրդավարական ընտրություններ անցկացնելու համար: Սա հատկապես կարևոր է, եթե ընտրական օրենսգիրքը փոխվի, ինչպես կոչ են անում որոշ քաղաքական ուժեր։ Յուրաքանչյուր փոփոխություն պետք է լիովին հարգի Վենետիկի հանձնաժողովի ուղեցույցները, այդ թվում նաև ընտրական օրենսդրության կայունության առումով, և հիմնված լինի քաղաքական ուժերի հնարավորինը լայն քաղաքական համաձայնության վրա»,- ասվում է կայքում տեղադրված հայտարարության մեջ: «Մենք բազմիցս ողջունել ենք Հայաստանում խաղաղ և ժողովրդավարական իշխանափոխությունը, ներառյալ իշխանությունների այն պնդումները, որ ժողովրդավարական սկզբունքները կպահպանվեն, և որ դատական համակարգը կիրականացնի իր աշխատանքն առանց քաղաքական միջամտության»,- անդրադառնալով հայաստանյան վերջին զարգացումներին՝ ասել է Յուլիա Լովոչկինան: Կայքում նշվում է, որ ԵԽԽՎ համազեկուցողները մոտ ապագայում կայցելեն Հայաստան: |
Ֆրանսիական բանակը միջոցներ չունի՝ Ռուսաստանի հետ պատերազմելու համար․ #LeFigaro
14817:24«Ադրբեջանի վարքագիծն անընդունելի է». Ռուստամ Բաքոյան (տեսանյութ)
9917:06«Միակողմանի զիջումը ոչ միայն չի կանխելու պատերազմը, այլև արագացնելու է այն»․ Տ․ Հայրապետյան
8717:00Ուկրաինան 2000 կմ ամրություն է կառուցում՝ տարածքները պահելու համար․ #FinancialTimes
23916:48«Չեմ բացառում, որ Արցախի գործիչների նկատմամբ հետապնդումների նոր ալիք սկսվի»․ Իշխան Սաղաթելյան
9016:30«Սահմանը պետք է գծել Խորհրդային Հայաստանի առաջին սահմանով»․ Տիգրան Աթանեսյան
8016:18«Կամ գյուղերը կհանձնեն խաղաղ, կամ ուժային գործողության արդյունքում»․ ադրբեջանցի պատգամավոր
10816:00Հայկ Մարությանը կուսակցություն է հիմնում
10015:00