Վահրամ Բաղդասարյանի արձագանքը՝ Բոլթոնի հայտարարությանը

ԱԺ ճեպազրույցների ժամին ՀՀԿ խմբակցության ղեկավար Վահրամ Բաղդասարյանն անդրադառնալով ԱՄՆ նախագահի ազգային անվտագության հարցերով խորհրդական Ջոն Բոլթոնի՝ սպառազինության թեմայով հայտարարությանը, ասել է. «Հակամարտող երկրներում ճիշտ չի համարվում, որ միջնորդները զենքեր վաճառեն: Ճիշտ չէ նման հայտարարություններով շահագրգռել՝ ո՞ւմ զինատեսակն է ավելի հզոր: Մենք չենք գնում պատերազմի, այլ՝ խաղաղ, բանակցային պրոցեսով խնդրի կարգավորմանը»:

Հիշեցնենք՝ Թրամփի խորհրդականն ընդգծել էր, որ Հայաստանն ու Ադրբեջանը նախապատվությունը տալիս են ռուսական զենքին: «Մեր սպառազինությունն, ամեն դեպքում, ռուսականից լավն է»,- ասել էր նա: