«Բոլթոնի՝ Բաքու այցի համատեքստում իրանական ԶԼՄ-ներում հայտնվեցին հակաադրբեջանական հրապարակումներ». Վարդան Ոսկանյան

Իրանագետ Վարդան Ոսկանյանը ֆեյսբուքյան իր էջում գրում է. «ԱՄՆ նախագահի Ազգային անվտանգության հարցերով խորհրդական Ջ․ Բոլթոնի՝ Բաքու այցի համատեքստում իրանական ԶԼՄ-ներում հայտնվեցին հակաադրբեջանական ուղղվածության առաջին հրապարակումները։

«Բոլթոնի հակաիրանական օրակարգն Ադրբեջան այցի ընթացքում» և «Արդյո՞ք Բաքուն «սովորական հարևանության» քաղաքականություն է վարո՞ւմ» տարբեր վերնագրերով նույնաբովանդակ վերլուծականը տարածվել է իրանական միանգամից մի քանի ԶԼՄ-ներով, ինչը հստակ ցուցիչ է առ այն, որ հրապարակումն իրականացվել է պարսկալեզու տիրույթում հակաադրբեջանական տեղեկատվական հոսք ապահովելուն միտված կենտրոնացված ուղղորդմամբ»։