Հինգշաբթի, 15 նոյեմբերի, 2018 թ.
|
Ստեփանակերտում`   +1 °C

«Հայաստանի ու Արցախի համար վատ տեքստ է ընդունվել Ստամբուլում». Ստյոպա Սաֆարյան

«Հայաստանի ու Արցախի համար վատ տեքստ է ընդունվել Ստամբուլում». Ստյոպա Սաֆարյան
216
Երեքշաբթի, 30 հոկտեմբերի, 2018 թ., 23:35

Քաղաքական վերլուծաբան Ստյոպա Սաֆարյանը ֆեյսբուքյան իր էջում գրել է. «Թեպետ Ադրբեջան-Թուրքիա-Իրան եռակողմ հանդիպումների ժամանակ ընդունված հայտարարությունները առանձնապես որոշիչ չեն աշխարհի ու միջազգային հանրության համար, բայց Հայաստանի ու Արցախի համար վատ տեքստ է ընդունվել Ստամբուլում այդ երկրների արտգործնախարարների 6-րդ հանդիպման արդյունքում: Տեքստում մասնավորապես ասվում է.
Նախարարները շեշտում են իրենց հավատարմությունը միջազգային իրավունքի սկզբունքներին, մասնավորապես՝ հարգանքն ու աջակցությունը ինքնիշխանությանը, տարածքային ամբողջականությանը, միջազգայնորեն ճանաչված սահմանների անխախտելիությանը, բոլոր վեճերի խաղաղ կարգավորմանը, ինչպես նաև՝ ներքին գործերին չմիջամտելուն:

Այս կապակցութամբ վերստին ընդգծեցին Լեռնային Ղարաբաղի Հայաստան-Ադրբեջան հակամարտության շուտափույթ լուծումը վերոնշյալ սկզբունքների հիման վրա"

"The Ministers,
Stressed their commitment to principles of international law, in particular, respect of and support for sovereignty, territorial integrity, inviolability of internationally recognized borders, peaceful settlement of all disputes, as well as non-interference in internal affairs;

Reiterated in this regard the importance of the earliest resolution of Armenia-Azerbaijan Nagorno-Karabakh conflict on the basis of the above-mentioned principles;"

Տեքստը վտանգավոր է ոչ միայն այն պատճառով, որ շարադրել է խնդրի լուծման ադրբեջանական մոտեցումը՝ ի դեմս վերոնշյալ սկզբունքների, այլ որ Իրանն էլ ընդունել է, որ հակամարտությունը Հայաստանի ու Ադրբեջանի միջև է: Կարծում եմ՝ Հայաստանի ԱԳՆ-ը իրանական կողմից պետք է բացատրություններ լսի այս ամենի կապակցությամբ: Անհասկանալի բաներ են տեղի ունենում Հայաստանի անհասկանալի պասիվության պայմաններում: Ադրբեջան-Թուրքիա տանդեմի հետ Վրաստանի ու Իրանի մասնակցությամբ եռակողմ ֆորմատներում չասեմ, թե այդ երկրները պետք է լինեին Հայաստանի դեսանտը, բայց պետք է գերշահագրգռված լինեին այդ ֆորմատների՝ Հայաստանի դեմ ուղղվածության վեկտորը ջարդելու հարցում: Կարծես թե դա չկա ու այդ երկրներն այդպիսի զսպվածություն չունեն.... Ինչո՞ւ.. Ինչո՞ւ նախապես Հայաստանի կառավարությունն ու դիվանագիտական կորպուսը մինչև հանդիպումը վաղօրոք աշխատանք չեն տարել... Չգիտեի՞ն նման պլանավորված հանդիպման մասին: Պրոֆեսիոնալ բացթողո՞ւմ, թե՞ ինչ»: