Նիկոլ Փաշինյանը՝ սահմանային իրավիճակի և բանակում սննդի ապահովման խնդիրների մասին

Արդեն հայտնել էինք, որ Նիկոլ Փաշինյանը հանգստյան օրերին Արցախում էր, Բակո Սահակյանի հետ միասին այցելել է սահմանագիծ: ԱՀ հեռուստատեսության եթերում ՀՀ վարչապետի պաշտոնակատարը խոսել է սահմանին տիրող իրավիճակի մասին. «Ըստ էության, այդ խախտումները նպատակային չեն, այսինքն՝ կրակոցներ հնչում են, բայց քանակով փոքր են, չնայած առանձին օրերին որոշակի տատանումներ լինում են: Ընդհանուր առմամբ, պայմանավորվածությունները, կարելի է ասել, պահպանվում են»: Անդրադառնալով բանակում սննդի ապահովման հետ կապված հարցին՝ Փաշինյանն ասել է, որ գործող համակարգը չի գոհացնում ոչ մեկին: «Հույս ունենք, որ առաջարկվող ու քննարկվող մեխանիզմներով պիլոտային ծրագիր կիրականացնենք՝ հասկանալու համար, թե որքանո՞վ է այն արդյունավետ»: